პიროვნული თვითგამორკვევა

კეთილი იყოს თქვენი მობრძანება პიროვნული თვითგამორკვევის” მნიშვნელოვან და ძალიან საინტერესო პროცესში. 

ეს სამუშაო რვეული შექმნილია მათთვის ვინც კითხვის ნიშნის ქვეშ აყენებს მის ამჟამინდელ მდგომარეობას, სურს ცვლილებები, ახალი გამოწვევები და ზრდის შესაძლებლობა. ვინც ფიქრობს, რომ სამსახური და პროფესია მხოლოდ შემოსავლის მისაღებად არ არის საჭირო, პიროვნულ განვითარებასა და პროგრესს უნდა უზრუნველყოფდეს და უნდა მოჰქონდეს ბედნიერება, ვინც მრავალწლიანი რუტინული ყოველდღიურობის გამო დაკარგა მიზანი ცხოვრებაში და სურს, რომ ხელახლა გაიცნოს საკუთარი თავი, გაიგოს რა არის მისი ცხოვრებისეული მიზანი და დანიშნულება; ვინც ფიქრობს, რომ ბოლომდე ვერ იყენებს საკუთარ უნარებსა და შესაძლებლობებს და აქვს სურვილი გაერკვეს, განივითაროს და შემდგომ საინტერესოდ გამოიყენოს მისი ფარული ნიჭი თუ ინტერესი. ვინც მუდმივად შფოთავს იმაზე, რომ სათანადოდ ვერ იყენებს მისთვის მნიშვნელოვან დროს და ასე გაგრძელების შემთხვევაში მისი ყოველდღიურობა მუდამ ერთფეროვანი და არასაინტერესო იქნება.

ამ სამუშაო რვეულის შევსების შემდეგ თქვენ გექნებათ მკაფიო წარმოდგენა იმაზე რისი, რატომ და რისთვის კეთება გინდათ ცხოვრებაში, რა არის თქვენი მთავარი მიზანი და დანიშნულება და როგორ და როდის უნდა გააკეთოთ ეს ყველაფერი.